HEN GAROL HAF

Mab wy'n chwennych yn fy chwen

I ganu pennill mwyn o'm pen;

Ac os cerwch chwi hawddgarwch,

Byth na syniwch roi i mi sen.

Nôl fy neall canu wnaf

Glyd eiriau'n rhwydd o glod i'r Haf,

Wrth ei weled mor hawddgarol

Ei liw ar led, bro euraidd braf.

Dolydd a gweirglodd-dir clau,

Eu gweld yn rhwydd a gaiff pob rhai,

Tan fargodion glennydd gloywon

Mor hyfrydlon meillion Mai.

Llysiau llafur, graendir, grawn,

Ffrwyth ar goedydd bronwydd brawn,

Rhos a lili, lanwych lwyni

A fyddant felly'n llenwi'n llawn.

Bydd yr adar yn y gwydd

Gydag agor tor y dydd

Yn ei roeso gan ymbyncio,

Ceir eu gweld wrth rodio'n rhydd.

Fe ddawr gog a'r ceiliog du,

Y fronfraith gron, a'i chywion cu,

A Philomela i'r fro hyfryda',

A'u llais llawena', llonna' llu.