HARRI WEBB
Rampage & Revel
Cestyll y Cymry
Deganwy, Dinefwr, Dolbadarn,
Hen gestyll tywysogion ein gwlad,
Mae'r enwau yn canu fel utgyrn
Sy'n galw ein hil at y gad.
Y Bere ac Abergwyngregyn
Sy'n garnedd dan rhedyn a drain,
Ond yma bu farw ein dewrion,
Mae rhamant yn enwau y rhain.
Mor isel yw adfail Dolforwyn,
Mor uchel cwyd hen Ddinas Brân,
Mor unig a balch saif Mathrafal,
Maent yn rhoi ein heneidiau ar dân.
Hen gaerau ein rhyddid ers oesoedd,
Sy'n sibrwd o fynydd a chraig
Bydd pob rhagfur a thwred yng Nghymru
Yn cyhwfan hen faner y Ddraig.
No comments:
Post a Comment