THE SONGS OF WALES (CANEUON CYMRU),

Toriad y Dydd

Mae Llawer un yn cofio,

Yr eneth fechan ddall;

Ni welodd neb un fach mor fwyn,

Mor brydferth ac mor gall.

Hi gerddodd am flynyddau,

I ysgol Dewi Sant

Ar hyd y ffordd, o gam i gam,

Yn nwylaw rhai o'r plant.

'R oedd gofal pawb amdani,

A phawb yn hoffi'r gwaith,

O helpu'r eneth fach ymlaen,

Trwy holl drofeydd y daith.

Siaradai'r plantam gaeau,

A llwybrau ger y lli,

Ac am y blodau tan eu traed,

Ond plentyn dall oedd hi.

Hi glywai felus fiwsig

Yr adar yn y dail;

Hi deimlai ar ei gwyneb bach,

Belydrau serch yr haul;

Aroglai flodau'r ddaear:

Ond nis adwaenai'r fûn,

Mo wên yr haul a mwy na'r oll,

Mo wên ei mam ei hun.

Mae'r plentyn wedi marw,

Ar wely angeu prudd,-

Hi wênodd ar ei mam,

gan addweyd "Mi welaf doriad dydd!"

Ehedodd mewn goleuni,

Oddiwrth ei phoen a'i phall;

A gweled golygfeydd y nef,

Y mae yr Eneth Ddall!