DERYN Y BWN O'R BANNA

Deryn y Bwn o'r Banna

Aeth i rodio'r gwylia;

Lle disgynnodd o ar 'i ben,

Bwm, bwm, bwm, bwm,

Ond i bwn o fala.

Deryn y Bwn a gododd,

Y fala i gyd a gariodd

   Dros y Banna i farchnad Caer,

      Bwm, bwm, etc.,

Ac yno'n daer fe'u gwerthodd.

Fala, fala, filoedd,

Fala melyn laweroedd;

   Y plant yn gweiddi am fala'n groch,

      Bwm, bwm, etc.,

Rhoi dima goch am gannoedd.

Deryn y Bwn aeth adra

Yn ôl dros ben y Banna:

   Gwaeddai, "Meistres, O gwelwch y pres,

      Bwm,bwm, etc.,

A ges i wrth werthu fala."