CANT O GANEUON

        Y FLWYDDYN 1862

                IONAWR

Mis oer yw hwn i'r trwyn a'r traed,

   A'r dwylaw sydd heb fenyg;

Os hoffech ei gynesu ef

   O rhowch i'r tlawd galenig.

                CHWEFROR

Afreidiol dweyd i'r ystlen deg,

   A'r llanciau sydd yn caru:

Fod y pedwerydddydd ar ddeg

   Yn ddydd i'r adar baru.

               MAWRTH

Y diwrnod cyntaf yn y mis,

   Yw gwyl ein hoff Geninen:

Ac yna'n chwat, daw diwrnod Pat,

   I wisgo'r werdd Feillionen.

                EBRILL

Y cyntaf eto o'r mis hwn,

   Yw diwrnod yr ynfydion;

Gan fod y Sais mor dlawd o wyl

   Fe roddwn hon i'r Saeson.

                 MAI

Mae botwm coch a llygad dydd,

   Yn tyfu ger ein dorau:

A Robin Goch ar 'deryn tô,

   Brydyddant am y goreu.

                 MEHEFIN

Mae'r coed yn awr yn llawn o ddail,

   A'r ddaear megis Eden :

A'r holl lysieuog yn fyd yn troi,

   Ei wyneb at yr heulwen.

                GORPHENAF

Mae hwn yn boeth fel odyn galch

   Yn cochi'r byd mewn crasder :

Os wyt yn denau bydd yn falch,

   Ond gwae a fagodd frasder.

                AWST

Y mae amaethwyr Cymru wen,

   Yn edrych ar eu cnydau :

Os ânt i'r capel ar y Sul

   Mae'r galon efo'r ydau.

               MEDI

Mis Medi ddaeth, a medi mawr,

   A welir hwyr a boreu :

A'r amaethyddwr gwyna'n awr,

   Am fwy o ysguboriau.

              HYDREF

Anadla'r Hydref ar y byd,

   A'r ddeilen werdd dry'n felen :

Ac O ! mae ambell gyfaill gwan,

   Yn cwympo efo'r ddeilen.

             TACHWEDD

Mae gwynt y gauaf yn rhoi bloedd,

   I alw eifyddinoedd :

A breichiau'r dderwen eto'n noeth

   I ymladd a'r tymestloedd.

            RHAGFYR

O dydd i ddydd, o nos i nos

   Daeth Rhagfyr ar ein gwarthaf :

A dolen ydyw ef sy'n dal

   Dolenau'r Flwyddyn nesaf.