BUGEILIO'R GWENITH GWYN (1)

Mi sydd fachgen ieuanc ffôl

Yn byw yn ôl fy ffansi,

Myfi'n bugeilio'r gwenith gwyn,

Ac arall yn ei fedi.

Pam na ddeui ar fy ôl,

Ryw ddydd ar ôl ei gilydd?

Gwaith 'rwy'n dy weld, y feinir fach,

Yn lanach, lanach beunydd.

Glanach, glanach wyt bob dydd,

Neu fi yn wir sy'n ffolach;

Er mwyn y gwr a wnaeth dy wedd

Dod im' drugaredd bellach.

Cwnn dy ben, gwel acw draw,

Rho im' dy law wen dirion;

Gwaith yn dy fynwes bert ei thro

Mae allwedd do fy nghalon.

Tra fo dwr ymôr ynhallt,

A thra bo gwallt yn tyfu,

A thro  fo calon dan fy mron

Mi fydda'n ffyddlon iti;

Dywed imi'r gwir heb gêl,

A rho dan sêl d'atebion,

P'un ai myfi ai arall, Ann

Sydd orau gan dy galon.