CANU'R WYF GAN CHWARE'R CRWTH

l

Canu'r wyf gan chware'r crwth,

I'r ffynon fach sydd ger fy mwth,

Mysg glaswellt, brwyn, a dail:

A gwylio'r dafnau'n d'od yn mlaen

Tros ymyl y mwsoglyd faen,

I chware yn yr haul:

Er fod helyg ar bob ty,

Ro'f fi mo'm crwth i hongian fry,

Tra rhedo dwr yn bur ac iach

O fin fy ffynon fach.

ll

Llifwch allan, ddyfroedd byw,

I gadw lili'r dwr yn fyw,

A'i blodau 'n wyn o hyd:

A chenych chwi, O ! ddafnau byw,

Dysgleiried cwpan dynolryw,

Yn mhedwar ban y byd.

Ddirwest anwyl, tyf i fri,

Hardd lili wen y dwr wyt ti.

A cher pob bwth yn Nghymru wen,

O ! cyfod di dy ben.