Dyhuddiant Elphin

Taliesin a'i Cant

Elphin deg, taw â'th wylo -

Na chabled neb yr eiddo -

Ni wna les it' ddrwg obeithio -

Nid à wyl dyn a'i portho -

Ni bydd coeg gweddi Cynllo -

Ni thyr a'r addawo -

Ni chaed yn nghored Wyddno

Erioed cystal a heno.

Elphin deg, sych dy ddeurudd -

Ni weryd fod yn rhybrudd;

Cyd-dybiaist na chefaist fudd -

Ni wna les gormodd cystudd;

Nac amen wyrthiau Dofydd -

Cyd bwyf bychan, wyf gelfydd;

O foroedd ac o fynydd,

Ac o eigiawn afonydd

Y daw duw a da i ddedwydd.

Elphin, gyneddfau dyddan,

Anwraidd yw dy amcan;

Nid rhaid it' ddirfawr gwynfan -

Gwell Duw na drwg ddarogan;

C'yd b'wyf eiddil a bychan

Ar gorferw môr lydan,

Mi a wnaf yn nydd cyfran

It' well na thrihau' maran.

Elphin, gyneddfau hynod,

Na sor ar dy gaffaelod,

Cyn b'wyf wan ar lawr fy nghod,

Mae rhinwedd ar fy nhafod:

Tra b'wyf fi i'th gyfragod,

Nid rhraid it' ddirfawr ofnod -

Ond coffa enwau'r Drindod,

Ni ddichon dim dy orfod.