Owain Glyndwr a Syr Lawrence

                       l

Aeth Owain Glyndwr ar ei daith

          I Gastell gwr bonheddig:

    "Oes cenad i ddeuddyn i mewn?"

         Medd Owain Glyndwr yn Ffrengig.

    "A gawn ni letya'r nos hon

         Yn rhywle mewn congl diddos ?"

    Bienvenu Monsieur, os dowch i'r ty

         Pob croesaw medd Lawrence Berclos:

Caed swper, a gwely, a brecwast cytun,

A Lawrence a hoffodd y ddau estron-ddyn.

                        ll

Ar frecwast dechreuoddd ymgom,

   Rhwng Owain Glyndwr a Berclos:

A'r barwn fu daer wrth y ddau,

   Am aros am bythefnos. -

"R wy 'n disgwyl cael Owain Glyndwr

   Ac amryw weilch i'r ddalfa:

Fe yrais bum ugain o wyr,

   I'w ddal a'i ddwyn ef yma."-

"Mae eisiau cael gafael yn ogof y gwr,

A'i dynu ef allan," medd Owain Glyndwr.

                        lll

    Brydnawn y pedwerydd dydd,

        Medd Owain wrth y barwn:

  " 'R wy 'n myn'd tra mae 'm traed yn rhydd,

        Ond rwan cyn ffarweliwn -

     Mae OWAIN GLYNDWR yn rhoi 'i law !

         Yn llaw Syr Lawrence Berclos,

     Yn diolch am bobpeth a gadd,

         Am bedwar dydd a theirnos !"

Aeth Syr Lawrence yn fud mewn syndod a braw,

Ond syllodd ar Owain a gwasgodd ei law !