J. CEIRIOG HUGHES.

Gweithiau Ceiriog

Oriau'r Hwyr

Llyfr l.

Nant y Mynydd

NANT Y MYNYDD, groew, loew,

   Yn ymdroelli tua'r pant;

Rhwng y brwyn yn sisial ganu,

   O na bawn i fel y nant!

Grug y Mynydd yn eu blodau,

   Edrych arnynt hiraeth ddug

Am gael aros ar y bryniau

   Yn yr awel efo'r grug.

Adar mân y mynydd uchel,

   Godant yn yr awel iach;

O'r naill drum i'r llall yn 'hedeg

   O na bawn fel 'deryn bach !

Mab y Mynydd ydwyf inau

   Oddicartref yn gwneud cân

Ond mae 'm calon yn y mynydd

   Efo 'r grug a'r adar mân.