MATHONWY HUGHES

Afon Menai

Hen Fenai o'r afonydd,

Awr llan wmawr a llonydd,

Hen Fenai rudd ar fin hwyr ha'

A rwyda bob rhyw brydydd.

Trwy fwlch y Felinheli

Dolenna rhwng mud lwyni

Rhyw wyrddaf fro yn hardd ddi-frys,

Hudolus yw ei dyli.

Fin hwyr, fel rhyw lafn arian,

Fe dyr ei harfod eirian,

Drwy lwyni coed rhyw lannau cu,

Ei gwely rhwng dwy geulan.

Gwaneifiog gynaeafu

Y gwenyg fo'n brigwynnu

Wna ager-long a egyr lif

Ei dylif, a'i fydylu.

Mor dawel y mordwya

Y talog gychod hwylia'

I lanw a gwynt, ymlaen ac ôl,

Haf hwyrol ei llif ara !

Os gleiniog des ei glennydd

Ganmolir gan ymwelydd,

Ni hidia'r cychwr droeog hynt

Ei hyrddwynt ym min hwyrddydd.